ОРАЛ. Тамыздың 26-сы. ҚазАқпарат /Елжан Ералы/ - Батыс Қазақстан облыстық төтенше жағдайлар департаментінде ҚР Конституциясының 15 жылдығы мен алдағы айдағы тілдер күніне арналған «Мемлекеттік қызметте - мемлекеттік тілмен» атты атты байқау мәреге жетті.
Облыстық төтенше жағдайлар департаментінің баспасөз қызметінен хабарлағанындай, аталмыш департамент өзінің құрылымдық бөлімшелері арасында осындай сайысты жыл сайын ұйымдастырып келеді. Өткен жылы департаментке қарасты «Өрт сөндіру және апаттық-құтқару қызметі» ММ қызметкері Андрей Богдашкин жеңімпаз атанып, Астанаға барып, БҚО намысын қорғап қайтқан болатын.
Биылғы сайыста департамент қызметкері Назым Қуанышева бірінші орынды жеңіп алса, «Жедел құтқару жасағы» ММ-дан келген Динара Ақмұқанова - екінші, «Өрт сөндіру және апаттық-құтқару қызметі» ММ өкілі Абзал Сағынғалиев үшінші жүлдені еншіледі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).