ОРАЛ. Қыркүйектің 16-сы. ҚазАқпарат /Елжан Ералы/ - Батыс Қазақстан облысы биылғы алғашқы жартыжылдық қорытындысы бойынша республика өңірлерінің рейтингісінде көш басына шықты.
Облыс әкімі Бақтықожа Ізмұхамбетовтің айтуынша, барлығы 24 позициядан тұратын рейтингтің басым бөлігінде БҚО бірінші орында тұр. Әсіресе, экономикалық даму көрсеткіштері, бюджет қаржысын орынды игеру, шағын және орта кәсіпкерлікті дамыту, халықтың қаржылай кірісі, өндірісті өркендету, құрылыс, жұмыссыздықты азайту, қылмыспен күрес, ана өлімін болдырмау, мектепалды даярлықпен қамту секілді позициялар бойынша нәтиже өте жақсы.
Бұған дейін облыс орталығы Орал қаласы жартыжылдықтың қорытындысы бойынша қалалар арасындағы рейтингте Астанадан кейінгі екінші орынға табан тіреген болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).