ОРАЛ. Қазанның 5-і. ҚазАқпарат /Елжан Ералы/ - Батыс Қазақстан облысына ҚР Парламенті Сенатының Әлеуметтік-мәдени даму жөніндегі комитетінің төрағасы Ақан Бижанов бастаған сенаторлар келді.
Делегация құрамында аталмыш комитет мүшелері - Светлана Жалмағамбетова, Ғарифолла Есім, Анатолий Башмаков, Құсайын Уәлиев, Орынбай Рахманбердиев бар. Сенаторлар облыс басшысымен кездескеннен кейін «Зенит» зауытында болып, халал стандарты мен еуропалық технологияға сәйкес келетін мал сою орнымен танысады. Сондай-ақ «Батыс Қазақстан машина жасау компаниясы» АҚ, өсімдік майын өндіретін зауытта болмақ.
Түс қайта сенаторлардың қатысуымен «Нұр Отан» ХДП облыстық филиалында «ҚР Еңбек кодексінің орындалу барысы туралы» дөңгелек үстел отырысы өткізілмек.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).