ОРАЛ. 1 мамыр. ҚазАқпарат /Елжан Ералы/ - Батыс Қазақстан облысында 1 мамыр - Қазақстан халқының бірлігі күні кеңінен тойлануда.
Орал қаласы мен барлық аудан орталықтарында, елді мекендерде 1 мамыр мерекесіне арналған шаралар өтуде.
Оралдағы Абай алаңында мекеме-ұйымдар шеруі театрландырылған концерттік бағдарламаға ұласты. Әсіресе, бүгінгі мейрамға ұлттық-мәдени орталықтар белсене қатысуда. Олар өз өнерлерін көрсетіп, ұлттық тағамдарын ұсынды. Қазақстан халқы облыстық ассамблеясы төрағасының орынбасары Максим Хасановтың айтуынша, өңірде осындай 14 орталық бар. Олардың бәрі де ұлттық салт-дәстүрлерін, өнері мен тілін дамыту бағытында түрлі шаралар ұйымдастырып келеді.
Оралда бүгін сондай-ақ Д.Нұрпейісова атындағы көше бойында мерекелік сауда-саттық және өнімдер жәрмеңкесі де жұртшылық назарынан тыс қалған жоқ.
Мереке қалалық мәдениет және демалыс саябағында, Жастар мәдениет үйінде және басқа көпшілік орындарында жалғаспақ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).