ОРАЛ. 30 қаңтар. ҚазАқпарат /Елжан Ералы/ - Батыс Қазақстан облысында әкімдер есеп бере бастады.
Сырым ауданы әкімі аппаратының ұйымдастыру жұмыстары, мемлекеттік қызметтер мониторингі және бақылау жөніндегі бөлімінен түскен мәліметке қарағанда, бүгінде ауылдық округтердің әкімдері елді мекендер тұрғындарының алдындағы есептік кездесулерін бастап кетсе, одан кейін аудан әкімі Ерлан Нысанғалиевтің халық алдындағы есептік кездесулері жоспарланған.
Халықтың ұсыныс-пікірлерін, сын-ескертпелерін жинақтайтын арнайы жәшіктер әрбір ауылдық округте орнатылған. Есептік кездесулер кезінде өткен жылғы жұмыстар сараланып, алдағы міндеттер белгіленетін болады.
Аудан әкімдері алдағы ақпан айында есеп бермек.
Әкімдердің биылғы есептік кездесулері Елбасы Н.Назарбаевтың Қазақстан халқына арнаған Жолдауы аясында өткізілгелі отыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).