ОРАЛ. 7 сәуір. ҚазАқпарат - Бүгін Батыс Қазақстан облысында көктемгі құс аулау маусымы басталды.
21 сәуірге дейін созылатын науқан кезінде жабайы үйректің тек аталығын атуға рұқсат етіледі. Аңшылар жолдаманы облыстық орман және аң шаруашылығы аумақтық инспекциясынан алады.
Облыстық ішкі істер департаменті табиғатты қорғау және ветеринарлық полициясынан түскен мәліметке қарағанда, жолдамасыз суда жүзетін аң-құстарды (үйректен басқалары) атқан жағдайда кінәлі азаматтар ҚР Әкімшілік құқықбұзушылық кодексі 298-бабына сәйкес әкімшілік жауапкершілікке тартылады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).