16:21, 02 Ақпан 2009

Батыс Қазақстан облысындағы тәртіптік кеңесте 92 тәртіптік іс қаралды

ОРАЛ. Ақпанның 2-сі. ҚазАқпарат /Ғайсағали Ералы/ - ҚР Мемлекеттік қызмет істері агенттігі БҚО-дағы тәртіптік кеңесі өткен жылы он отырысын өткізіп, 92 істі қарады.

ҚР Мемлекеттік қызмет істері агенттігі БҚО бойынша басқармасынан ҚазАқпарат тілшісіне хабарлағанындай, тәртіптік кеңес ұсынысына сәйкес 11 саяси мемлекеттік қызметші (селолық, кенттік округ әкімдері), 54 мемлекеттік әкімшілік қызметкер (соның ішінде мемлекеттік мекеме басшылары ? 24, түрлі деңгейдегі мамандар ? 30), мемлекеттік міндетті атқаруға теңестірілген 11 адам тәртіптік жазаға тартылды. Соның ішінде 47 адамға ? ескерту, 15-іне ? сөгіс, бесеуіне ? қатаң сөгіс, тағы бесеуіне қызметіне толық сәйкес еместігі туралы ескерту берілсе, төрт адам қызметінен босатылды.
Аймақ Басқа мемлекеттік органдар Заң және құқық
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).