ОРАЛ. 28 желтоқсан. ҚазАқпарат - Батыс Қазақстан облысында биыл прокуратураның араласуымен 5 мыңнан астам қызметкерге 447 млн. астам теңге жалақы қарызы өтелді.
Облыс прокуратурасының баспасөз қызметінен түскен мәліметке қарағанда, үш айдан асқан еңбекақы берешегі 70 млн. теңгеден 19,5 млн. теңгеге дейін азайды. Жалақы төлемеу фактісін жасырған 5 жұмыс беруші әкімшілік жауапкершілікке тартылды. Қаржыны басқа мақсатқа жұмсап, жалақы төлеуді бірнеше рет кідірткен «Металл бұйымдары» бірлескен кәсіпорны» ЖШС директоры А.Павловқа қатысты қылмыстық іс қозғалып, тергеу жүргізілуде.
Прокурорлар ұйғарымдарына сәйкес сот орындаушылары 400-ден астам азаматқа 22 млн. астам теңге жалақы өндіріп берді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).