ОРАЛ. Қыркүйектің 10-ы. ҚазАқпарат /Елжан Ералы/ - Батыс Қазақстан облысында биылғы сегіз айда 57,2 млрд. теңгенің бөлшек тауары сатылды, бұл өткен жылғыдан 20,3 пайызға артық, деп хабарлайды ҚазАқпарат тілшісі облыстық статистика департаментінен түскен мәліметке сілтеме жасап.
Барлық бөлшек тауар көлемі мемлекеттік емес саланың үлесіне тиеді. Жеке кәсіпорындар 56,5 млрд. теңгенің (98,7 пайыз) тауар айналымын жасаса, өзге мемлекеттер меншігіндегі заңды тұлғалар мен азаматтар үлесінде - 0,7 млрд. теңге (1,3 пайыз). Ірі және орта кәсіпорындар - 12,5 млрд. теңге (21,9 пайыз), шағын ұйымдар - 9,7 млрд. теңге (16,8 пайыз), жеке кәсіпкерлер - 21,9 млрд. теңге (38,4 пайыз), базарлар 13,1 млрд. теңгенің (22,9 пайыз) тауарын өткізді.
Барлық бөлшек тауар айналымының 61,3 пайызы (35,0 млрд. теңге) - базарлар мен жеке кәсіпкерлер, 38,7 пайызы (22,2 млрд. теңге) сауда кәсіпорындарының еншісінде. Тауардың 75,2 пайызы Оралда, 8 пайызы Бөрлі ауданында өткізілген.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).