ОРАЛ. Сәуірдің 8-і. ҚазАқпарат /Елжан Ералы/ - БҚО әкімдігі мен мәдениет басқармасының қолдауымен және облыстық халық шығармашылығы орталығының ұйымдастыруымен ақиық ақын Жұбан Молдағалиевтің 90 жылдығына орай «Жайықтың Жұбаны» атты облыстық жазба ақындар мүшәйрасы жарияланды,
деп хабарлайды ҚазАқпарат тілшісі.
Биылғы қазан айында қорытындыланатын жыр бәйгесіне 18-40 жас аралығындағы танымал ақындармен қатар жас талапкерлер қатыса алады. Олар Жұбанға арналған өлеңін, сондай-ақ ақын жырларын мәнерлеп оқиды. Бірінші орын бір адамға берілетін болса, екінші орынға - екі, үшінші орынға үш жүлдеден белгіленіп отыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).