ОРАЛ. 12 ақпан. ҚазАқпарат - Биыл Батыс Қазақстан облысында әлеуметтік нысандар құрылысына республикалық бюджеттен 4,4 млрд. теңге бөлінді.
Облыс әкімдігінен хабарлағанындай, Жәнібек ауданы Қамысты ауылындағы 300 орындық мектеп, Бөрлі ауданы орталығы Ақсай қаласында ауысымына 500 адам, Жаңақалада - 250 адам, Орал қаласына қарасты Зачаган кентінде 250 адам қабылдайтын емханалар, облыс орталығында 300 төсектік қалалық көпбейінді аурухана құрылысы жалғасады.
Сондай-ақ Зачаган кентінде 360 орындық балабақша, Орал қаласының «Жаңа орда» шағынауданында 600 орындық мектеп құрылысын бастау жоспарланып отыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).