ОРАЛ. Сәуірдің 3-і. ҚазАқпарат /Ғайсағали Ералы/ - «Қазгидромет» РМК мәліметіне сәйкес сәуірдің 4-інде БҚО аумағында жаңбыр аралас қар жауып, солтүстік-шығыстан соққан желдің жылдамдығы секундына 15-20 метрге дейін жетеді.
Облыстық төтенше жағдайлар департаментінен ҚазАқпарат тілшісіне хабарлағанындай, ауа температурасы түнде 0-5 градусқа дейін төмендеп, күндіз 0 5 градус болмақ. Осыған байланысты облыс көлемінде дайындық шаралары қолға алынып, төтенше жағдайларды болдырмауға қам жасалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).