ОРАЛ. 21 маусым. ҚазАқпарат - 20 маусым күні облыс әкімінің бірінші орынбасары Ғұмар Дүйсембаев Қазталов ауданына сапары кезінде
Көктерек, Қарасу, Талдыапан, Талдықұдық, Болашақ ауылдық округі әкімдеріне қызметтік «УАЗ» автокөліктерінің кілттерін табыс етті.
Көктерек ауылының әкімі Данияр Қайратов алыс ауылдар үшін мұндай көліктердің өте қажеттігін айтып, осыған орай қолдау көрсеткен облыс, аудан әкімшіліктеріне алғысын білдірді.
Сол күні Ғ.Дүйсембаев облыстық басқарма, департамент басшыларымен бірге ауданда көшпелі мәжіліс өткізіп, онда осы өңірдің жетістік-кемшіліктері сараланды. Алда тұрған басты міндеттерге назар аударылып, нақты тапсырмалар берілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).