ОРАЛ. 5 шілде. ҚазАқпарат - Батыс Қазақстан облысында шағын аудандарда ауыл әкімдерін ұсыну 8 шілдеде басталып, 12 шілдеде аяқталады.
Облыстық сайлау комиссиясының төрағасы Абай Хамзиннің айтуынша, шағын аудандарға Сырым, Қаратөбе, Бөкей ордасы, Жаңақала, Жәнібек, Тасқала, Шыңғырлау кіреді. Бұларда кандидаттарды тіркеу 8-22 шілде, сайлау 7 тамыз күні өткізіледі. Ал ірі аудандар (Қазталов, Ақжайық, Зеленов, Теректі, Бөрлі) мен Орал қаласына қарасты ауылдық округтерде ұсыну 10-14 шілде, тіркеу уақыты 10-24 шілдеге, сайлау 9 тамызға белгіленді.
Өңірде барлығы 151 ауылдық округте сайлау өтеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).