ОРАЛ. Мамырдың 6-сы. ҚазАқпарат /Елжан Ералы/ - Батыс Қазақстан облысында мамырдың 3-6-сы аралығында республикалық «Айдап кету» жедел алдын алу шарасы өткізілуде,
деп хабарлайды ҚазАқпарат тілшісі.
Облыстық жол полициясы басқармасынан түскен мәліметке қарағанда, рейдтік шаралар автокөлікті қараусыз қалдырмау, оған айдап кетуге қарсы құралдар орнату, сондай-ақ гараждарды техникалық жағынан нығайту керектігін көрсетіп отыр.
Биыл жыл басынан бері өңірде 24 автокөлік айдалып кетіліп, олардың бәрі де ашылған. Өткен аптаның өзінде осындай бір оқиға тіркеліп, автокөлік иесіне қайтарылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).