ОРАЛ. Ақпанның 20-сы. ҚазАқпарат /Елжан Ералы/ - Батыс Қазақстан облысында биылғы қаңтардағы инвестиция көлемі 6,4 млрд. теңгеге жетіп, өткен жылғы осы айдағыдан 10,7 пайызға асып түсті,
деп хабарлайды ҚазАқпарат тілшісі облыстық статистика департаментінен түскен мәліметке сілтеме жасап.
Осының 3460,8 млн. теңгесін немесе 53,7 пайызын кәсіпорындардың өз қаржысы құраса, 2980,6 млн. теңгесі немесе 46,2 пайызы - шетелдік инвестиция, 3,6 млн. теңгесі немесе 0,1 пайызы бюджет еншісінде.
Қаржының 76 пайызы өнеркәсіпке жұмсалса, 2,7 пайызы - ақпарат пен байланыс, 2,3 пайызы - құрылыс, 1,4 пайызы көлік саласына бағытталып отыр.
Инвестиция Орал қаласы мен тоғыз ауданға салынса, сол қаржы көлемінің 46,5 пайызы - Бөрлінің, 41,9 пайызы Зеленов ауданының үлесіне тиеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).