ОРАЛ. Қазанның 2-сі. ҚазАқпарат /Ғайсағали Ералы/ - Батыс Қазақстан облысы әкімдігі мен «Даму» кәсіпкерлікті дамыту қоры» АҚ арасында «Бизнес-Кеңесші» бағдарламасын бірлесіп жүзеге асыру жөнінде меморандумға қол қойылды,
деп хабарлайды ҚазАқпарат тілшісі.
Меморандумға қол қойған облыс әкімінің міндетін атқарушы Нұрлан Ноғаев пен «Даму» кәсіпкерлікті дамыту қоры» АҚ басқарма төрағасы Болат Мұқышев өңірде шағын және орта бизнесті дамыту бағытында бірігіп жұмыстануға уағдаласты. Рәсім барысында «Бизнес-Кеңесші» бағдарламасы бойынша дәріс алған оқытушыларға куәліктер тапсырылды.
Облысқа сапары кезінде Б.Мұқышев бірнеше өндіріс орнында болып, олардағы жұмыс барысымен танысты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).