17:26, 30 Наурыз 2009

Батыс Қазақстанда «Болашақ жастар үшін» облыстық жастар қорының жобасы жүзеге асырылуда

ОРАЛ. Наурыздың 30-ы. ҚазАқпарат /Ғайсағали Ералы/ - Батыс Қазақстан облысында «Болашақ жастар үшін» облыстық жастар қорының «New Consulting» компаниясы және «Қазақстан сертификаттау орталығымен» бірлескен жобасы жүзеге асырылуда,

деп хабарлайды ҚазАқпарат тілшісі. Аталмыш әлеуметтік жобаның бастапқы қадамы ретінде ЖОО мен колледждерде білім алатын жетім жастарға стипендиялар белгіленді. Атап айтқанда, қор стипендиясына Жәңгір хан атындағы БҚАТУ-дың 1 курс студенті Елена Житникова мен Орал мұнай, газ және салалық технологиялар колледжінің 2 курсында оқитын Салтанат Бисекенова ие болды. Сондай-ақ ИСО 9001 халықаралық сапа жүйесіне сәйкестік сертификаты «Әлім» (директоры Ержан Бақтияров), «Азиятехстрой» (Армат Әлімбетов), «СПС» (Артур Досқалиев) жауапкершілігі шектеулі серіктестіктеріне табыс етілді.
Аймақ Азаматтық қоғам және ҮЕҰ
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).