ОРАЛ. 21 тамыз. ҚазАқпарат - ҚазАқпарат бұдан бұрын хабарлағанындай, 16 тамыз күні БҚО-ның Теректі, Ақжайық аудандарында дала өрті орын алды.
Облыстық төтенше жағдайлар департаментінен түскен мәліметке қарағанда, өрт 4 мыңдай гектар аумақты қамтыған. Өрт үшінші күн дегенде сөндірілген. «Тілсіз жауды» ауыздықтауға басқа техника, адам күшімен қатар ҚР ТЖМ «Қазәуеқұтқару» АҚ-ның 1 тікұшағы қатыстырылды.
Өрт салдарынан Ақжайық ауданының Қабыршақты ауылдық округі аумағында «МТВ-Ноғай» шаруа қожалығының қорасында тұрған 80 бас қой жанып кетті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).