ОРАЛ. 6 наурыз. ҚазАқпарат - «Евангел христиан-баптистері» діни бірлестігінің мүшелері Ақжайық ауданы Коловертное ауылында діни әдебиеттерді заңсыз таратқан.
Облыстық ішкі істер департаментінің баспасөз қызметінен хабарлағанындай, тексеру барысында ұсталған 12 адамның екеуі - РФ азаматтары, біреуі Орынбор, екіншісі Свердловск облысынан, қалғандары Орал қаласының 25-67 жас аралығындағы тұрғындары екені белгілі болды. Күдіктілер түсініктеме беруден бас тартқан. Олардан 20 түрлі атаумен 200-дей діни әдебиеттер тәркіленген.
Қазіргі уақытта тергеу амалдары жүргізілуде. Тәркіленген діни кітаптар сараптамадан өткізілуде.
Аталған факті бойынша іс материалы аудан прокуратурасына жіберілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).