11:40, 08 Сәуір 2009

Батыс Қазақстанда Елбасы Жолдауын насихаттауға байланысты арнайы семинар ұйымдастырылды

ОРАЛ. Сәуірдің 8-і. ҚазАқпарат /Ғайсағали Ералы/ - БҚО-ның Зеленов ауданы орталығы Переметный ауылында Елбасы Жолдауын насихаттауға байланысты арнайы семинар өткізілді,

деп хабарлайды ҚазАқпарат тілшісі. «Арту» қоғамдық бірлестігі ұйымдастырған оқу семинарында дағдарыстан қиналмай шығу үшін Елбасы Жолдауын жүзеге асыруға әр адамның да үлес қосуы керектігі айтылды. 54 мыңнан астам халқы бар Зеленов ауданында қазіргі кезде 10 үгіт-насихат тобы құрамында 96 адам жұмыс жасауда. Аталмыш бірлестіктің төрағасы, облыстық мәслихаттағы «Нұр Отан» ХДП фракциясының жетекшісі Бауыржан Тұмановтың айтуынша, семинар мақсаты ? үгіт-насихат топтарына әдістемелік көмек көрсету, Жолдау мақсатын нақты түсіндіру. Екіншіден, бұл жұмысқа қоғамдық ұйымдар мен жергілікті үкіметтік емес ұйымдарды тарту, олардың мүмкіндіктерін арттыру. Үшіншіден, жергілікті жердегі халықтың Жолдауға байланысты қандай ойлары бар, өздерінің қандай үлес қосқысы келетінін білу. Осы орайда жиынға қатысушылар өз ойларын ортаға салып, пікір алмасты.
Аймақ Жолдау Экономика
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).