ОРАЛ. ҚазАқпарат - Тасқала ауданы Амангелді ауылдық округінде электр сымына соғылған 13 ірі қара шығынға ұшырады.
Амангелді ауылдық округінің әкімі Қазыбек Жұмагереевтің айтуынша, олардың бәрі де ауыл тұрғындарының өріске шыққан малы. Энергетиктердің сөзіне қарағанда, кешегі қатты желдің әсерінен электр сымы үзілген.
Қазіргі кезде комиссия оқиғаның себеп-салдарын анықтау үстінде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).