ОРАЛ. ҚазАқпарат – Батыс Қазақстан облысында ГАЗель автокөлігі түгелдей жанып кетті, деп хабарлайды ҚазАқпарат тілшісі.
БҚО ТЖД баспасөз қызметінен мәлім еткендей, оқиға 3 тамыз күні Теректі ауданы аумағында Федоров-Ақсай жолының 30-шақырымында болды.
Департаменттен түскен мәліметке қарағанда, сағат 16:57-де Придорожный ауылы маңында ГАЗель автокөлігі отқа оранды. Өртті сөндіруге жеке құрамнан 4 адам (1 техника) жұмылдырылып, «тілсіз жау» сағат 18:00-де ауыздықталды. Адамдар аман.
«Жыл басынан бері облыс аумағында 59 автокөлік (өткен жылы осы мерзімде – 50) өртеніп кетті. Мұның негізгі себебі – электр сымдары мен жабдықтарының қысқа тұйықталуы, сондай-ақ көлік құралдары иелерінің қарапайым қауіпсіздік ережелерін сақтамауы», - деп хабарлады ведомстводан.
Еске сала кетейік, бұдан бұрын ер адамның 7 жастағы інісімен Жайық өзеніне батып кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).