ОРАЛ. Наурыздың 4-і. ҚазАқпарат /Елжан Ералы/ - Батыс Қазақстан облысында халықаралық әйелдер күні мерекесі кеңінен тойланбақ,
деп хабарлайды ҚазАқпарат тілшісі.
Облыс орталығы Орал қаласында наурыздың 5-інде Жастар мәдениет үйінде «Аналар өсиеті» атты шара, А.Островский атындағы облыстық орыс драма театрында мерекелік концерт болса, кітапханаларда кітап көрмелері, әдеби-сазды кештер өтеді. Наурыздың 8-інде облыстық перинаталдық орталықта дүниеге келген сәби аналарын қала басшысы құттықтайды. Облыс көлемінде осындай шаралар кеңінен ұйымдастырылып отыр.
Өңірде қоғамдық-саяси өмірге әйелдер белсене араласып келеді. Облыс әкімдігінен түскен мәліметке қарағанда, мемлекеттік қызметшілердің тең жартысынан астамы әйелдер болса, 23 әйел - түрлі деңгейдегі мәслихат депутаттары, біреуі - облыстық басқарманың басшысы, үшеуі - аудан әкімінің орынбасары, екеуі аудандық мәслихат хатшысы қызметін атқаруда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).