ОРАЛ. 24 қаңтар. ҚазАқпарат - Батыс Қазақстанда өткен жылы өңір экономикасына 193,1 млрд. теңге инвестиция құйылды, бұл алдыңғы жылғыдан 14,1 пайызға артық.
Облыстық статистика департаментінен түскен мәліметке қарағанда, инвестицияның негізгі бөлігі немесе 70,8 пайызы өнеркәсіпке жұмсалды. Сондай-ақ 12,2 пайызы - көлік және қоймалау, 7,7 пайызы - жылжымайтын мүлікпен жасалатын операцияларға, 2,7 пайызы денсаулық сақтау мен әлеуметтік қызметке бағытталды.
Инвестицияның қомақты көлемі Бөрлі (79,3 млрд. теңге), Зеленов (52,7 млрд. теңге) аудандары мен Орал қаласының (35,4 млрд. теңге) үлесінде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).