ОРАЛ. 24 тамыз. ҚазАқпарат - Батыс Қазақстан облысында биылғы жеті айда негізгі капиталға салынған инвестиция көлемі 76,9 млрд. теңгені құрады.
Облыстық статистика департаментінен түскен мәліметке қарағанда, инвестицияның қомақты бөлігі, атап айтқанда, 68,9 пайызы өнеркәсіпке жұмсалды. Сондай-ақ 11,4 пайызы жылжымайтын мүлікпен жасалатын операцияларға, 5,5 пайызы көлік және қоймалауға, 5,1 пайызы білім беруге, 1,7 пайызы кәсіби, ғылыми және техникалық қызметке, 1,4 пайызы ақпарат және байланысқа, 1,3 пайызы мемлекеттік басқару мен саудаға бағытталды.
Инвестиция көлемі негізінен Бөрлі (33,0 млрд. теңге), Зеленов (19,3 млрд. теңге) аудандарына және Орал қаласына (17,5 млрд. теңге) тиесілі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).