ОРАЛ. Қазанның 1-і. ҚазАқпарат /Елжан Ералы/ - Батыс Қазақстан облысында Қариялар күніне орай шаралар ұйымдастырылуда.
Орал қаласындағы Жастар мәдениет үйінде Қариялар және Дүниежүзілік музыка күніне орай қайырымдылық концерті қойылды. Оған соғыс және еңбек ардагерлері, студенттер мен оқушылар шақырылды. Концертті «Оралым» фольклорлық ансамблі ашып, Құрмангазының «Саранжап» күйін орындады. Сонан соң көрермендер қалалық орыс халық аспаптар оркестрі, «Надежда» ән тобы, қалалық скрипкашылар ансамблі, «Адажио» балалар би ұжымы және басқаларының өнерін тамашалады.
Қазанның 1-і мен қарашаның 1-і аралығында өткізілетін дәстүрлі қайырымдылық айлығы аясында облыс көлемінде көптеген шаралар қолға алынуда. Айлық барысында жалғызілікті қариялармен қатар мүмкіндігі шектеулі жандар мен балаларға да көмек көрсетілетін болады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).