ОРАЛ. 14 қараша. ҚазАқпарат - 12 қарашаға қараған түні Ақжайық ауданында қасақана өрт қою оқиғалары болды.
Сол күні Тайпақ ауылында 02.50 сағат шамасында екі көршінің шаруашылық құрылыстарында, 10 минуттан кейін тағы бір, 5 минуттан соң және бір тұрғынның қора-жайларынан от шықты. Соның салдарынан барлығы 24 тонна шөп, 4 мал қорасы, бір тұрғынның құрылыс дүниелері жойылды.
«Қасақана өртеу» деп ұйғарылған бұл оқиға бойынша тергеу жүргізілуде.
Айта кетейік, өңірде мұндай оқиғалар бұдан бұрын да орын алған болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).