АЛ. 3 қазан. ҚазАқпарат /Елжан Ералы/ - Батыс Қазақстан облысында 1 қазанда қайырымдылық айлығы басталды.
Қариялар күнінен бастау алып, 1 қарашаға дейін созылатын айлық барысында мекеме-кәсіпорындар, кәсіпкерлер жылдағыдай жалғызілікті адамдар мен көмекке мұқтаж жандарға қолұшын созатын болады.
Батыс Қазақстан облысында 70 мыңдай зейнеткер болса, олардың зейнетақысы биылғы 1 қаңтардан 30 пайызға өскен болатын.
Орал қаласында тұратын зейнеткер Нина Неверованың айтуынша, мемлекет ардагерлерге ұдайы қамқорлық көрсетіп келеді. Өмір бойы ательеде жұмыс жасаған өзінің зейнетақысы - 36 мың теңге. Ал Жәмила Нұрғалиева 35 жыл институтта еңбек еткен. Оның зейнетақысы - 51 мың теңге. «Біз Елбасы саясаты арқасында осындай күнге жетіп, қамқорлыққа бөленіп отырмыз», - дейді олар.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).