ОРАЛ. 21 маусым. ҚазАқпарат - Батыс Қазақстан облысында биылғы мамырда тауарлар мен қызметтер бағасы өткен жылдың желтоқсанымен салыстырғанда, 1,8 пайызға көтерілді.
Облыстық статистика департаментінен түскен мәліметке қарағанда, биылғы бес айда азық-түлік тауарларының бағасы 102 пайызды құрады. Ет және ет өнімдері 7,3, қант 10,2 пайызға қымбаттаса, осы кезеңде көкөніс керісінше 6,7, жарма 5,5, май және тоңмай 3,2, жұмыртқа 2,9, ұн 1,8 пайызға төмендеді.
Азық-түліктік емес тауарлар бағасының индексі 101,6 пайызды құрап, соның ішінде киім мен аяқкиім 1,5, шыны бұйымдар 3,2, асханалық керек-жарақ 4,5, өсімдіктер мен гүлдер 4,3, қатты отын 5,3, бензин 4,5, дизель отыны 17,7 пайызға қымбаттады.
Жыл басынан бері ақылы қызмет бағасы 1,8 пайызға ғана көтерілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).