ОРАЛ. 18 қаңтар. ҚазАқпарат - 2012 жылы Батыс Қазақстан облысында көтерме сауда көлемі 192,4 млрд. теңгеге жетіп, 2011 жылғыдан 14,1 пайызға өсті.
Облыстық статистика департаментінен хабарлағанындай, барлық тауар айналымының көлемі мемлекеттік емес сектор үлесіне тиесілі. Жеке меншік кәсіпорындар 187,9 млрд. теңгенің (97,7 пайыз), басқа елдердің заңды тұлғалары мен азаматтары 4,5 млрд. теңгенің (2,3 пайыз) тауарын өткізді.
Ірі және орта кәсіпорындар 42,9 млрд. теңгенің (22,3 пайыз), шағын кәсіпорындар 148,4 млрд. теңгенің (77,2 пайыз), жеке кәсіпкерлер 1,1 млрд. теңгенің (0,5 пайыз) көтерме саудасын жасады.
Жыл басынан өндірілген қазақстандық тауарлардың үлесі 12,3 пайызды құрады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).