РАЛ. Тамыздың 25-і. ҚазАқпарат /Елжан Ералы/ - Батыс Қазақстан облысында ҚР Конституциясының 15 жылдығы кеңінен аталып өтілмек.
Облыстық ішкі саясат басқармасынан ҚазАқпарат тілшісіне хабарлағанындай, тамыздың 26-сында М.Өтемісұлы атындағы Батыс Қазақстан мемлекеттік университетінде «Ел Конституциясы - даму мен тұрақтылықтың негізі» атты облыстық ғылыми-тәжірибелік конференция, облыс кітапханаларында «Конституция - ұлттың ең маңызды құжаты» атты шара ұйымдастырылса, тамыздың 27-сінде салтанатты жиындар, еңбек ардагерлерімен кездесулер, мерекелік концерт, мемлекеттік қызметкерлер арасында облыстық спартакиада өткізіледі.
Тамыздың 30-ында Орал қаласындағы орталық Абай алаңында еңбек ұжымдарының шеруі, салтанатты жиын, концерттік бағдарлама, мәдени-спорттық шаралар, кешкісін гала-концерт мерекелік отшашуға ұласады.
Қала мен облыс аудандарында Ата заңға арналған басқа да шаралар ұйымдастырылуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).