ОРАЛ. Қаңтардың 6-сы. ҚазАқпарат /Елжан Ералы/ - Қазақстан Республикасы Президентінің 2009 жылғы желтоқсанның 29-ындағы «Қазақстан Республикасының кейбір мамандандырылған соттарын құру және тарату туралы» № 910 Жарлығына байланысты Батыс Қазақстан облысында қылмыстық істер жөніндегі мамандандырылған ауданаралық сот құрылды.
Бұл туралы ҚазАқпарат тілшісіне облыстық соттың баспасөз қызметінен хабарлады. Жарлық биылғы қаңтардың 1-інен бастап күшіне енуіне байланысты қылмыстық істер жөніндегі мамандандырылған сот өз қызметіне кірісті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).