ОРАЛ. Ақпанның 18-і. ҚазАқпарат /Елжан Ералы/ - Батыс Қазақстан облысында ақпанның 15-19-ы аралығында «Мектептегі құқық тәртібі» іс-шарасы өткізілуде,
деп хабарлайды ҚазАқпарат тілшісі.
Облыстық ішкі істер департаментінен түскен мәліметке қарағанда, алғашқы күндердің өзінде түрлі құқық бұзушылыққа барған үш жүзге жуық жасөспірім ұсталған. Полицейлер көңіл көтеру орындарын, интернет-кафе, компьютерлік клубтарды тексеруге ерекше назар аударуда. Бұларда түнгі уақытта ата-анасыз жүрген жасөспірімдер аз кездеспейді.
Білім ордаларында қылмысты болдырмау үшін барлық қала мектептерінде бейнебақылау камераларын орнату көзделіп отыр. Мұндай камералар әзірге №10 және №34 орта мектептерде бар.
Өңірде жасөспірімдер қылмысы 18,4 пайызға көбейіп отыр. Сондықтан бұл мәселеге айрықша көңіл бөлінуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).