ОРАЛ. Қазанның 2-сі. ҚазАқпарат /Ғайсағали Ералы/ - Батыс Қазақстан облысында қыркүйектің 1-і мен қазанның 1-і арасында өткізілген нашақорлық пен есірткі бизнесіне қарсы күрес айлығы қорытындыланды,
деп хабарлайды ҚазАқпарат тілшісі.
Облыстық ішкі саясат басқармасының бастығы Тілекқабыл Имашевтің мәлім еткеніндей, айлық барысында жоғары оқу орындарымен, үкіметтік емес ұйымдармен бірлесе отырып, көптеген жұмыстар атқарылды. Қаладағы мониторларда нашақорлыққа қарсы роликтер көрсетіліп, билбордтар орнатылды. Осы бағытта жастар арасында форум, семинар-тренингтер ұйымдастырылып, әлеуметтанулық зерттеу жұмыстары жүргізілді. Жастардан сауалнама жиналды. Сондай-ақ денсаулық фестивалі, спорттық іс-шаралар, конференциялар өз деңгейінде өткізілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).