11:57, 18 Наурыз 2011

Батыс Қазақстанда Наурыз мерекесі кеңінен тойлануда

ОРАЛ. 18 наурыз. ҚазАқпарат /Елжан Ералы/ - Батыс Қазақстан облысында Наурыз мерекесі кеңінен тойлануда.

Өңірде 14 наурызда көрісу айтымен басталған мейрам түрлі мәдени шаралармен жалғасуда. Айталық, облыс кітапханаларында Наурызға арналған кітап көрмелері, тақырыптық кештер ұйымдастырылса, музейлер мен мәдениет үйлерінде, мекеме-ұжымдарда мерекелік шаралар өтуде. Облыстық тарихи-өлкетану музейінде бүгін «Таңғажайып өрнектер әлемінде» атты этнографиялық көрме ашылса, қазақ драма театрында «Бақ-берекем, әз Наурыз» атты театрландырылған концерт қойылмақ. 22 наурыз күні Орал қаласында, сондай-ақ барлық облыс аудандарында мерекелік шаралар ұйымдастырылып отыр. Оралда киіз үйлер тігіліп, қала алаңдарында концерттік бағдарлама қойылмақ. Кешкісін Сырым Датұлы алаңында мерекелік концерт отшашуға ұласпақ.

Мәдениет Аймақ Батыс Қазақстан облысы
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).