13:52, 13 Қыркүйек 2010

Батыс Қазақстанда өңдеу өнеркәсібіндегі өнім көлемі 37,7 пайызға өсті

ОРАЛ. Қыркүйектің 13-і. ҚазАқпарат /Елжан Ералы/ - Батыс Қазақстан облысында биылғы сегіз айда 666,9 млрд. теңгенің өнеркәсіп өнімдері өндірілді.

Облыстық статистика департаментінен ҚазАқпарат тілшісіне хабарлағанындай, кен өндіру өнеркәсібінде 602,8 млрд. теңгенің өнімі өндірілді, бұл өткен жылғы осы кезеңмен салыстырғанда 96,1 пайыз. Бұл табиғи газ өндірудің 1,2, газ конденсатының 1,5 пайызға кемуіне байланысты болып отыр. Есесіне өңдеу өнеркәсібіндегі өнім көлемі 48,7 млрд. теңгені құрап, өткен жылғыдан 37,7 пайызға асып түсті. Әсіресе, металлургия өнімі - 8,8, тоқыма өнімдері - 2,5, сусын өндіру - 1,6, машина жасау 1,5 есеге өсті.

Аймақ Батыс Қазақстан облысы Өнеркәсіп

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).