11:55, 28 Мамыр 2009

Батыс Қазақстанда Орал өңірін тану жылы аясында шаралар ұйымдастырылуда

ОРАЛ. Мамырдың 28-і. ҚазАқпарат /Ғайсағали Ералы/ - Батыс Қазақстанда Орал өңірін тану жылы аясында шаралар ұйымдастырылуда.

Облыстық балалар мен жасөспірімдер туризмі және экология орталығының директоры, педагогика ғылымдарының кандидаты Виктор Фоминнің ҚазАқпарат тілшісіне хабарлағанындай, жаяу туризм техникасынан І облыстық семинар-жарысқа өңірдегі кәсіптік лицейлер мен колледждерден 15 команда қатысты. Олар түрлі кедергілерден өту, топографиялық белгілер түсіруден сынға түсті. Сайыс қорытындысында Ақжайық ауданының №14 кәсіптік лицейі жеңімпаз атанса, Тасқаладан №20 лицей ? екінші, бөрліліктер үшінші орынды иеленді. Мұндай жарыстар жыл бойы өткізілмек.
Аймақ Спорт
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).