ОРАЛ. 22 қаңтар. ҚазАқпарат /Елжан Ералы/ - Батыс Қазақстан облысында 2010 жылы 29 мәдениет нысаны күрделі және ағымдағы жөндеуден өткізілді.
Облыс әкімдігінен түскен мәліметке қарағанда, соның ішінде 17-сі «Жол картасына» сәйкес ретке келтірілді. Екі мәдениет нысанын (біреуі «Жол картасы» бойынша) күрделі және ағымдағы жөндеу жалғасуда.
Мәдениет саласының нақтыланған бюджеті өткен жылы 3,6 млрд. теңгені құрады.
Қазіргі кезде өңірде қос театр, 267 мәдениет үйі мен клуб, 407 кітапхана, 7 кинотеатр, 9 музей, 64 киноқондырғы, көрме залы, қалалық мәдениет және демалыс саябағы жұмыс жасайды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).