13:06, 20 Маусым 2012

Батыс Қазақстанда «Өз қарызыңды біл!» айлығы барысында сот орындаушылары 27 мүлікке тыйым салды

ОРАЛ. 20 маусым. ҚазАқпарат - Сот актісін тиімді орындау және әкімшілік айыппұл төлеуден жалтарған борышкерлердің берешегін азайту мақсатында сот актілерін орындау департаменті 15 мамыр мен 15 маусым аралығында облыстық прокуратура,

ішкі істер, салық және кедендік қызмет органдарымен бірге арнайы бекітілген жоспар негізінде «Өз қарызыңды біл!» атты айлық ұйымдастырды.

БҚО сот актілерін орындау департаментінен Айгүл Досқұлованың хабарлағанындай, айлық барысында мемлекеттік сот орындаушылары мекенжайларға шығып, мүлікті қамауға алу, айып алаңына автокөліктерді қою, жалақыдан өндіру, сонымен қатар қылмыстық қудалау шараларын жүргізді.

Ұйымдастырылған шара барысында сот орындаушылары жекелеген борышкерлерге ескерту беріп, түсініктеме алса, енді бірінің әкімшілік айыппұл берешегіне сай дүние-мүлкін алды. Мысалы, 2123 атқару өндірісі бойынша мекенжайларға барып, 27 мүлікке тыйым салды, жалақыдан өндіру мақсатында 108 қаулы тиісті мекенжайға жіберілді.

Облыстық сот актілерін орындау департаментінде бүгінде әкімшілік айыппұл өндіруге қатысты 122 млн. 335 мың 051 теңге берешекті құрайтын 13 мыңға тарта атқару өндірісі бар.

Сот актісін тиімді де уақтылы орындау және әкімшілік айыппұл төлеуден жалтарған борышкерлердің берешегін азайту мақсатындағы жұмыстар жалғасын табады.

Аймақ Батыс Қазақстан облысы Басқа мемлекеттік органдар Прокуратура Басқа меморгандар Заң және құқық Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).