ОРАЛ. 10 мамыр. ҚазАқпарат - 9 мамыр күні БҚО ТЖ департаментіне Батыс Қазақстан облысы Бөрлі ауданы Пугачев ауылының маныңда жеңіл моторлы ұшаққа ұқсас ұшатын аппараттың құлағаны туралы ақпарат түсті.
Департаменттің баспасөз қызметінен түскен мәліметке қарағанда, оқиға орнына Бөрлі аудандық ішкі істер бөлімі, ТЖ бөлімі мен прокуратураның тергеу-жедел тобы дереу жетті. Анықталғандай, апатқа ұшыраған 2002 жылы Ресей Федерациясының Кумертау қаласында шығарылған «Птенец-2» атты жеңіл ұшағы. Ол Ақсай қаласында уақытша тұратын Мәскеу қаласы тұрғынына тиесілі болып шықты. Апат орнынан 1964 жылғы осы ұшақтын иесі мен Бөрлі ауданы Ақсу ауылында тұрған 1984 жылғы азаматшаның мүрдесі табылды. Аталмыш ұшақ тіркелмеген ұшу сапарын жасаған.
Оқиға бойынша Бөрлі аудандық ішкі істер бөлімі тергеу жұмыстарын жүргізуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).