ОРАЛ. ҚазАқпарат - Батыс Қазақстан облысында 1 қаңтардағы мәлімет бойынша сайлаушылар саны 430 865-ке жетті.
Облыстық сайлау комиссиясының хатшысы Жасұлан Нұрғожиннің айтуынша, өткен жылғы Президент сайлауы кезінде 404 мың сайлаушы болса, қазір олардың қатары көбейіп отыр. Соған байланысты қосымша 21 сайлау учаскесі құрылса, соның 17-сі қалада, төртеуі аудандарда. Барлық сайлау комиссияларының құрамдары, орналасқан жерлері мен шекаралары анықталып, тиісті жұмыстар атқарылуда.
«Биылғы 20 наурызға белгіленген Мәжіліс және барлық деңгейдегі мәслихат депутаттарын сайлауға әзірлік күн санап қыза түсуде. Қазіргі таңда сайлаушылар тізімі жасалып, олардың саны нақтылану үстінде», деді Ж.Нұрғожин.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).