ОРАЛ. Сәуірдің 21-і. ҚазАқпарат /Елжан Ералы/ - Батыс Қазақстан облысында 19072 белсенді шағын кәсіпкерлік нысанында 68944 адам ( сәйкесінше өткен жылғы сәуірдің 1-індегіден 1,5 және 1,4 пайызға көп ) еңбек етеді, олар биылғы бірінші тоқсанда 20736 млн. теңгенің өнімін өндірді, бұл өткен жылғыдан 1,9 пайызға артық.
Облыстық статистика департаментінен ҚазАқпарат тілшісіне хабарлағанындай, осының ішінде заңды тұлғалардың үлесі мол. Шағын және орта кәсіпкерлік саласындағы 2068 заңды тұлға 15669 млн. теңгенің өнімін өндірді. Сондай-ақ 13398 жеке кәсіпкер 4200 млн., 3606 шаруа қожалығы 867 млн. теңгенің өнімін шығарды.
Биылғы сәуірдің 1-іне дейін өңірде 4381 шағын бизнес кәсіпорны тіркелген, бұл өткен жылғы осы кездегіден 7,9 пайызға артық.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).