ОРАЛ. 18 маусым. ҚазАқпарат - Теректі ауданындағы Бобровое көлінде су туризмі техникасынан облыстық жарыс өткізілді.
Облыстық балалар-жасөспірімдер туризмі және экология орталығынан педагог-ұйымдастырушы Әсел Дүйсенованың хабарлағанындай, аталмыш жарысқа облыс аудандарынан барлығы тоғыз команда қатысты. Олар ескек есу, құтқару құралдарын пайдаланудан өз шеберліктерін көрсетті. Әсіресе, Зеленов, Бөрлі, Ақжайық аудандарының командалары жақсы өнер көрсетіп, дипломдармен, бағалы сыйлықтармен марапатталды.
Батыс Қазақстанда халықаралық ынтымақтастық жылы аясында жыл басынан бері осындай шаралар ұйымдастырылып келеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).