ОРАЛ. 10 тамыз. ҚазАқпарат - 9 тамыз күні Зеленов ауданы Үлкен Шаған ауылы тұсында Жайық өзенінен 38 жасар әйелдің мүрдесі судан шығарылды.
Облыстық суда құтқару қызметі бастығының орынбасары Виктор Великановтың айтуынша, әйел 6 немесе 8 тамыз күні суға батып кетсе керек. Мүрдені шығаруға аталмыш қызметтің төрт қызметкері мен бір техникасы қатысты.
Осымен Батыс Қазақстанда биыл суға кеткендердің саны 22-ге жетті. Олардың жетеуі - балалар.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).