ОРАЛ. 19 наурыз. ҚазАқпарат - Шыңғырлау ауданы Амангелді стансасында «Градиент» ЖШС-ға тиесілі астық қабылдау кәсіпорны аумағынан белгісіз біреулер астық қалдықтарына арналған темір бункерлерді ұрлап кеткен.
Облыстық ішкі істер департаментінен хабарлағанындай, тергеу барысында мұны жымқырған сол стансаның қос тұрғыны болып шықты. Олардың біреуі «Групп-4» ЖШС-да, екіншісі «Қазақтелеком» АҚ филиалында күзетші екен. Сөйтіп заңды және жеке тұлғалардың мүліктерін қорғауға тиісті адамдар өздері ұры болып шықты. Олардың үстінен ҚР ҚК 175-бабы 2-бөліміне сәйкес қылмыстық іс қозғалды.
2012 жылы күзет құрылымының қызметкерлері 34 қылмыс жасаса, биыл 4 қылмыс тіркелген.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).