ОРАЛ. 20 желтоқсан. ҚазАқпарат - Теректі ауданының Ақжайық ауылында стадион ашылды.
Ақжайық ауылдық округінің әкімі Мүфтах Дүйсенғалиевтің айтуынша, спорттық нысанның бой көтеруі үшін 5 млн. теңге қаржы жұмсалып, қысқа мерзімде пайдалануға берілген. Бөлінген қаражаттың 2 млн. теңгесі ауданның қазынасынан, қалған сомасы өткен жылы облыстық байқауда «Ең таза ауыл» аталымын жеңіп алғаны үшін Ақжайық ауылына берілген сыйақыдан қарастырылған. Құрылыс жұмыстарын кәсіпкер Данияр Хабиевтің жетекшілігіндегі құрылыс бригадасы жүргізді.
Стадион биік тормен қоршалып, ішінде волейбол, баскетбол, шағын футбол, жүгіру жолы талапқа сай жасақталған. Бірнеше қатар жанкүйерлерге арналған орындықтар да бар.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).