18:31, 20 Сәуір 2009

Батыс Қазақстанда жұмыссыздар саны өткен жылғыдан 1,2 пайызға азайды

ОРАЛ. Сәуірдің 20-сы. ҚазАқпарат /Ғайсағали Ералы/ - Батыс Қазақстан облысында жұмыспен қамту органдарында сәуірдің 1-іне дейін есепте тұрған жұмыссыздар саны 3633 адамды құрады, бұл өткен жылғы осы кезеңдегіден 1,2 пайызға аз,

деп хабарлайды ҚазАқпарат тілшісі облыстық статистика департаментінен алынған мәліметке сілтеме жасап. Ауылда 2179 жұмыссыз тіркеліп, 10,9 пайызға қысқарды. Жұмыссыздардың 62,9 пайызын әйелдер құрайды. Биылғы бірінші тоқсанда 4189 адам еңбекке орналасу жөнінде өтініш жасады. 469 адам кәсіби білімін көтеруге жіберілсе, 2609-ы қоғамдық жұмыстарға қатысты.
Аймақ Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).