18:46, 07 Сәуір 2009

Батыс Қазақстанда жылдамдығы секундына 17-22 метр жел тұруы болжанып отыр

ОРАЛ. Сәуірдің 7-сі. ҚазАқпарат /Ғайсағали Ералы/ - «Қазгидромет» РМК мәліметіне сәйкес БҚО аумағында сәуірдің 7-8-інде желдің жылдамдығы секундына 17-22 метрге дейін жетеді.

Облыстық төтенше жағдайлар департаментінен ҚазАқпарат тілшісіне хабарлағанындай, осыған байланысты тұрғындар арасында төтенше жағдайларға жол бермеу, өмірлік маңызы бар нысандар, электр, байланыс желілерінің үздіксіз жұмысын қамтамасыз ету мақсатында қала мен аудандар, мекеме, ұйымдарға алдын ала тапсырмалар берілді. Тиісті күш-құралдар дайындыққа келтіріліп, тәулік бойы кезекшілік ұйымдастырылмақ. Облыс орталығында қазірдің өзінде жел күшейіп тұр.

Аймақ Экология

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).