ОРАЛ. 21 желтоқсан. ҚазАқпарат - Батыс Қазақстан облысының ауыл шаруашылығы саласы жылды жақсы көрсеткіштермен аяқтағалы отыр.
Облыстық статистика департаментінен түскен мәліметке қарағанда, биылғы он бір айда 79565,2 млн. теңгенің ауыл шаруашылығы өнімдері өндірілді. Соның ішінде 37189,3 млн. теңгенің өнімі өсімдік, 42193,6 млн. теңгесі мал шаруашылығына тиесілі. Өнім көлемі мал шаруашылығында өткен жылғыдан 9,5, өсімдік саласында 3,0 пайызға көбейіп отыр.
Биылғы 1 желтоқсандағы мәлімет бойынша облыста ірі қара саны 425,4 мыңға жетті, бұл өткен жылғы көрсеткіштен 6,7 пайызға артық. Сондай-ақ 811 мың қой (108,6 пайыз), 185,2 мың ешкі (101,4 пайыз), 99,6 мың жылқы (116,3 пайыз), 3,1 мың түйе (97,4 пайыз), 27,1 мың шошқа (118,2 пайыз), 956,2 мың құс (109,9 пайыз) санаққа іліккен. Яғни түйеден басқа түліктің барлық мал басы өскен.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).